Haukadalsvöllur er mjög skemmtilegur, krefjandi og fallegur golfvöllur er  liggur í mjög fallegu umhverfi. Þegar staðið er á fyrsta teig, lætur völlurinn lítið yfir sér og ættu kylfingar ekki að láta það plata sig. Strax á annarri holu kemur fallegt umhverfið í ljós og síðan þegar komið er að annarri flöt þá opnast glæsilegt svæði þar sem Almenningsá spilar stórt hlutverk í golfleiknum. Það eyðileggur ekki stemmnninguna ef þið eruð svo heppin að Geysir eða Strokkur skvetti úr sér meðan þið eruð að spila en þeir eru staðsettir rétt við völlinn. 

Völlurinn er 5812 m á gulum teigum, par 74 sem er einstakt á Íslandi. Völlurinn er nýopnaður og því eru svæðin fyrir utan brautir ótroðin þannig að boltinn sekkur auðveldlega þar og týnist. Hafa þarf því það í huga að hitta brautirnar og er betra þá að draga úr högglengd og ná þannig að spila völlinn með skynsemi.Haukadalsvöllur refsar mikið fyrir slæm högg og ónákvæm.

Sigurður Pétursson. PGA Professional